ODIONGAN, Romblon – Magkasamang sumugod ang mga miyembro ng Miss Odiongan Rose sa Palati Primary School, Sitio Palati, Libertad, Odiongan, Romblon nitong Agosto 15 taong kasalukuyan para makiisa sa Brigada Eskwela 2023.
Ang grupo ay nagdala ng mga school supplies food packs, hygiene kits, vitamins, t-shirts, payong, raincoats, coupon bonds at computer ink para ipamigay sa mga estudyante at mga guro ng nasabing paaralan.
Maliban diyan ay nagsagawa rin sila ng libreng gupit at nagpalaro ng mga parlor games sa mga bata na lubos na ikinasaya ng lahat.
Suportado naman ng Odiongan LGU at ng mga sponsor ang ginawang aktibidad ng asosasyon na pinuntahan ang mga nasa liblib na eskwelahan. (TMM)
Add Comment