LEGASPI CITY, Albay – Hindi na nakapalag ng hulihin ng kapulisan ang isang lalaki na pinaghahanap ng batas sa kasong carnapping nitong 5:50 ng hapon ng Marso2, 2024 sa Zone 4, Barangay 37, Bitano, Legazpi City, Albay, Region 5.
Ang suspek ay kinilala na si Angelo Cidro Rivas, 18 taong gulang, binata, laborer, at residente ng Barangay Lonos, Romblon, Romblon.
Si Rivas na top 1 most wanted person sa bayan ng Romblon, Romblon at top 5 sa probinsya ng Romblon ay dinakip ng pinagsanib na operatiba ng RID PRO MIMAROPA (lead unit), Romblon Municipal Police Station, PIT Romblon, RIU-4B, PDEU Romblon, MARPSTA Romblon, PIU Romblon at Legazpi City Police Station sa bisa ng Warrant of Arrest (WOA) na inisyu noong Enero 18, 2024 ni Hon. Donna Borda Pascual, Acting Presiding Judge, Regional Trial Court, Fourth Judicial Region, Branch 81, Romblon, Romblon sa kasong Anti-Carnapping Act of 1972 (RA 6539) na naka docket sa ilalim ng Criminal Case No. 4174-24.
May rekomendang piyansa ang Korte na halagang P300,000.00 para sa pansamantalang kalayaan ng suspek.
Ang inarestong lalaki ay kasalukuyang nasa kustodiya ng Legazpi CPS para sa kaukulang dokumentasyon. (RSun Staff)
